洛神花果醬

媽媽種了靚靚的洛神花，

專登留左 d 俾我要黎整洛神花果醬，

仲要連材料都準備好晒！

當然要即刻試整啦～

整完真係覺得好簡單，

最重要又好食喎，哈哈！

其實我好鐘意洛神花沖水既味，

酸酸地咁，好開胃～

試整之前，睇下洛神花既真身有幾靚啦！

但係當佢地跌左落地下，就變左咁...

打開好樣衰既殘花，就會有呢粒洛神花喇。

新鮮o個陣隻色紅 d 架！

放得耐左就越黎越深紅。

材料：

洛神花適量（呢度有 33 粒）

片糖適量（呢度有 100g）

（媽媽說片糖比白糖健康，否則用黃糖也可）

已消毒的玻璃樽仔

步驟：

1. 整碎片糖（用較剪剪就得喇）

2. 將洛神花既核拎出黎，先將佢既底切左

3. 然後就可以用筷子推中間粒核出黎
　（其實可以就咁 meet 開 d 花瓣，
　　但我見佢咁靚唔捨得咁快 meet 爛佢）

4. d 核好似有粒花咁大咁，
　咁就冇用好似好浪費咁

5. 洗乾淨

6. 剪碎

7. 加半碗水，用慢火慢慢煮，一路煮要一路攪，
　等佢唔好痴底

8. 佢會越黎越杰的，因為洛神花有天然既果膠，

　所以唔駛加其他果膠都整到果醬。

　見到佢杰身左就可以落埋 d 片糖，

　一路繼續攪等佢溶。

    

9. 入樽，搞掂！